ப்ளாக் தொடங்குவது எப்படி?

ப்ளாக் என்றால் என்ன?

2006-02-03T08:38:00.000-08:00

முதலில் ப்ளாக் (blog) என்றால் என்ன? என்று தெரிந்து கொள்ள வேண்டும். இதோ நீங்கள் படித்துக் கொண்டிருக்கிறீர்களே, அது தான் ப்ளாக். வேண்டுமானால் இலவச வெப்சைட் என்று வைத்துக் கொள்ளலாம். ப்ளாகிற்கு தமிழில் வலைப்பூ என்பார்கள்.

யார் வேண்டுமானால், ப்ளாக் தொடங்கலாம். அதில் உங்களுக்கு தேவையான எல்லா விஷயங்களையும் படங்களையும் போட்டு வைத்துக் கொள்ளலாம். உலகம் முழுவதும் இருந்து மற்றவர்கள் அதைப் பார்க்க முடியும்.

ப்ளாக் தொடங்குவது மிக எளிது. பணம் எதுவும் செலுத்தத் தேவையில்லை. ஜிமெயில் (gmail.com ) உங்களுக்கு இலவசமாக அதைத் தருகிறது. பெரிய அளவில் computer knowledge ம் தேவை இல்லை. பேஸிக் கம்ப்யூட்டர் அறிவுடன், கொஞ்சம் கற்பனைத் திறனும் இருந்தால் போதும்.

முதலில் ப்ளாக் தொடங்கும் முன், எதற்காக ப்ளாக் தொடங்குகிறீர்கள்; அதில் என்ன போடுகிறீர்கள் என்று ஒரு லே அவுட் போட்டுக் கொள்ளனும். தமிழிலா, ஆங்கிலத்திலா என்று முடிவு செய்து கொண்டு, தமிழில் என்றால் அதற்கான typing software install செய்து கொள்ளுங்கள்.

உதாரணமாக உங்கள் ப்ளாகில் பூக்களைப் பற்றி எழுதப் போகிறீர்கள் என்று வைத்துக் கொள்வோம். அதற்கு ஒரு அவுட் லைன் போட்டுக் கொள்ளுங்கள். ப்ளாக் உருவாக்க நீங்கள் ரெடி. எப்படி உருவாக்குவது என்று அடுத்த அத்தியாயத்தில் பார்க்கலாம்.

-சுமஜ்லா

ப்ளாக் உருவாக்குவது எப்படி?

2005-02-03T08:50:00.000-08:00

முதலில் http://www.gmail.com/ போய் உங்களுக்கென ஒரு gmail account உருவாக்கிக் கொள்ளுங்கள். ஏற்கனவே ஒரு ஜிமெயில் அக்கவுண்ட் இருந்தாலும், blogging க்கு என புது அக்கவுண்ட் ஒன்று உருவாக்கிக் கொள்வது நல்லது என்பது என் அபிப்பிராயம்.

இப்போ, http://www.blogger.com/ ஓபன் செய்யுங்க. அதில் கீழ்கண்டவாறு இருக்கும்.

இதில் உங்கள் gmail user id, password கொண்டு லாக் இன் செய்யுங்கள். இப்போ கீழே உள்ள ஸ்கிரீன் வரும்.
இதில் display name என்று இருக்கும் இடத்தில் உங்க பெயரை அல்லது புனைப் பெயரை தரவும். ஒவ்வொரு பக்கத்துக்கு கீழும் இப்பெயர் தான் வரும். (for example, posted by: sumazla). அதன் கீழ் உள்ள செக் பாக்ஸில் டிக் செய்து விட்டு, continue என்ற பட்டனை க்ளிக் செய்யவும். இப்பொழுது, கீழ்கண்டவாறு தோன்றும்.
முதலில் blog title. இதில் உங்க ப்ளாகின் தலைப்பை கொடுக்கவும். ரொம்ப யோசனை செய்து கொண்டு இருக்க வேண்டாம். எப்பொழுது வேண்டுமானாலும் தலைப்பில் மாற்றங்கள் செய்து கொள்ளலாம். உதாரணமாக பூக்களைப் பற்றிய உங்கள் ப்ளாகிற்கு Flowers என்று title கொடுங்கள்.

அடுத்து ப்ளாக் அட்ரெஸ். இது தான் உங்கள் வலைப்பூவின் பெயர். இது ஈமெயில் ஐடி போல, ஒரு முறை கொடுத்து விட்டால் மாற்ற முடியாது. நன்கு யோசித்து நல்ல தலைப்பாக தேர்ந்தெடுங்கள். நான் தேர்ந்தெடுத்த தலைப்பு sumazla. அது எந்த தலைப்பாக இருந்தாலும் அதனுடன் டாட் ப்ளாக்ஸ்பாட் டாட் காம் என்பது சேரும். உதாரணமாக http://sumazla.blogspot.com/. இந்த பெயரை explorer ல் யார் அடித்தாலும் உங்க ப்ளாக் ஓபன் ஆகும்.

ஈமெயில் ஐடி போல பல பெயர்கள் ஏற்கனவே எடுக்கப்பட்டிருக்கும் ஆதலால் அவைலபிலிடி availability செக் பண்ணிக்கோங்க. முடிந்ததா, இப்ப continue பட்டனை க்ளிக் பண்ணுங்க. மீதி அடுத்த அத்தியாயத்தில்.

டெம்ப்ளேட் மற்றும் போஸ்டிங்

2004-02-03T09:20:00.000-08:00

அடுத்த பக்கம் கீழ்கண்டவாறு இருக்கும்.
templates - அதாவது உங்க ப்ளாகின் தோற்றம். scroll செய்தால் நிறைய மாடல் வரும். அதில் எதாவது ஒன்று தேர்ந்தெடுத்துக் கொள்ளுங்கள். பிறகு, எப்போ வேண்டுமானாலும், நம்ம ப்ளாக் டெம்ப்ளேட்டை மாற்றிக் கொள்ளலாம். அதனால், ப்ளாகில் உள்ள எந்த பதிவும் அழியாது. அது அப்படியே புது template ல் வந்து விடும். இப்ப கண்டினியூ பட்டனை அழுத்துங்கள்.
மேலே தெரியும் பக்கம் வந்தவுடன், உங்களுக்கு நீங்களே கை கொடுத்துக் கொள்ளுங்கள். ஆம் நீங்கள் வெற்றிகரமாக உங்களுக்கென ஒரு வலைப்பூ உருவாக்கி விட்டீர்கள். ஆனால், இதோடு வேலை முடியாது. உங்க ப்ளாக் காலியா இருக்கே! அதில் எதாவது போடணுமே?! பூக்களைப் பற்றி நாம் ப்ளாக் போடப் போகிறோமல்லவா, எனவே அதில் தோட்டக் கலை, பூக்களின் பயன்கள், பூக்களின் அழகான புகைப் படங்கள் போன்றவற்றை அதில் போட்டுக் கொள்ளலாம். ஆனால் போடும் தகவல்கள், வேறு தளங்களிலிருந்து காப்பி செய்யப் பட்டதாக இருக்கக் கூடாது. படிப்பவர்கள் விரும்பிப் படிக்கும் விதத்தில் சுவாரஸ்யமாக இருக்க வேண்டும்.

சரி நாம் போஸ்டிங் ஆரம்பிப்போம். start blogging என்ற ரெட் பட்டனை க்ளிக் செய்யுங்கள். இப்போ கீழே உள்ள பக்கம் திறக்கும்.

இப்போ பாருங்க, மேலே posting, settings, layout, view blog என்று 4 tab இருக்கு. அதுல நாம இருக்கிறது போஸ்டிங் tab கீழே.
இப்போ, நாம நம்ம போஸ்டுக்கு ஒரு தலைப்பு கொடுக்கணும். இதில “டெம்ப்ளேட் மற்றும் போஸ்டிங்” என்று இருக்கே, அது மாதிரி. இனி வரும் எல்லா விஷயங்களையும் வேண்டும் போது மாற்றிக் கொள்ளலாம். அதனால கவலைப் படாம டக்குனு ஒரு தலைப்பு கொடுங்க. அப்புறம் கீழே நீங்க சொல்ல விரும்பும் விஷயத்தை டைப் செய்யுங்க. அது தான் உங்க போஸ்ட். அதுல font, alignment, insert picture என வழக்கமான ஆப்ஷன்ஸ் நிறைய இருக்கு. அதெல்லாம் பின்னாடி மெதுவா ஒவ்வொன்னா கத்துக்கலாம்.

இப்போ உங்க போஸ்ட்ட டைப் செய்தொன்ன, கீழே அதென்ன லேபிள்னு இருக்குனு குழம்பறீங்க்ளா?! அதை அப்படியே ப்ளாங்கா விட்டுடுங்க. அது தேவை இல்லை. அடுத்ததா advanced blogging என்று ஒரு கட்டுரை தரப் போறேன். அதில அதைப் பற்றி விளக்கமா தருகிறேன்.

இப்ப கீழே உள்ள பப்ளிஷ் போஸ்ட் என்ற சிவப்பு பட்டனை க்ளிக் பண்ணுங்க. அவ்வளவு தான் உங்க போஸ்ட் பப்ளிஷ் ஆகிவிட்டது. இப்ப இந்த விண்டோ வரும்.

இதில் view blog என்றதை க்ளிக் செய்தால், உங்க ப்ளாக் ஓப்பன் ஆகும். இனி அடுத்த போஸ்ட் பண்ணனும்னா, create new post என்பதை க்ளிக் செய்யுங்கள். அல்லது போஸ்ட்டில் எதாவது மாற்றம் செய்ய வேண்டும் என்றால் edit post கு போங்கள். இந்த படத்தில் மேலே, உங்க ஈமெயில் ஐடிக்கு பக்கத்தில், dashboard என்று இருக்கும். அதை க்ளிக் செய்தால், உங்க blogger ன் முகப்பு வரும். இப்பொ dashboard கு செல்லுங்கள். அடுத்து என்ன என்று அடுத்த் அத்தியாயத்தில் சொல்கிறேன்.

டாஷ் போர்ட் ஐட்டம்ஸ்

2002-02-04T00:33:00.000-08:00

டாஷ்போர்டு லிங்கை க்ளிக் செய்த உடன் கிழே காணும் பக்கம் தோன்றும். இனி ஒவ்வொரு முறை நீங்கள் log on செய்ததும், இந்த பக்கத்துக்குள் தான் முதலில் போவீர்கள்.

மேலே இருக்கும் படத்தைப் பாருங்கள். இதில் இடது புறம் இருப்பது தான் உங்கள் ப்ரொஃபைல். அதில் உங்களுக்கு விருப்பமான போட்டோ இணைத்துக் கொள்ளலாம். அதில் உங்களைப் பற்றிய விஷயங்களைப் போட்டு வைத்துக் கொள்ளலாம்.

வலது புற மூலையில் பாருங்கள். create blog என்ற லிங்க். உள்ளது அதில் சென்று நீங்கள் உங்களுக்கென்று வெவ்வேறு தலைப்புகளில் எத்தணை blog வேண்டுமானாலும் உருவாக்கிக் கொள்ளலாம்.

கீழே பாருங்கள், flowers என்று இருப்பது தான் உங்க blog க்கு நீங்கள் ஏற்கனவே கொடுத்த டைட்டில். அதன் கீழே இருக்கும் new post என்பதை க்ளிக் செய்து எப்போ வேண்டுமானாலும் நீங்கள் புதிதாக போஸ்ட் செய்யலாம்.

மொத்தம் 4 tab நீங்கள் எல்லா இடத்திலும் பார்க்கலாம். அது, posts, settings, layout, view blog என்பதாகும். இதில் view blog அழுத்தினால், நம்ம blog திறக்கும். settings அட்வான்ஸுடு ஆப்ஷன். அதனால், இப்போதைக்கு அதை விட்டு விடலாம். போஸ்டிங் ஏற்கனவே நாம் பார்த்தாயிற்று. அடுத்து நாம் பார்க்கப் போவது layout. லே அவுட் பற்றி கண்டிப்பாக எல்லாரும் தெரிந்து கொள்ள வேண்டும்.

இப்போ நீங்கள் லே அவுட் க்ளிக் செய்யுங்கள். கீழ்கண்ட பக்கம் விரியும்.

இடது புறம் மேலே பாருங்கள். page elaments, fonts and colours, edit html, pick new template என 4 tabs இருக்கும். இதில் fonts and colours க்ளிக் செய்து நாம் நம் ப்ளாகின் கலர் மற்றும் fonts ஐ மாற்றிக் கொள்ளலாம். edit html என்பதை விட்டு விடுங்கள். அது அட்வான்ஸுடு ஆப்ஷன். நமக்கு தேவை இல்லை. pick new template ல் போய் நாம் நம் ப்ளாகின் தோற்றத்தை மாற்றிக் கொள்ளலாம். அதனால், நம் ப்ளாகில் இருக்கும் posts எதுவும் அழியாது. அப்படியே புது template ல் வந்து விடும்.

அடுத்து முக்கியமான விஷயம் page elements. இது நம் blog ன் தோற்றத்தின் புளூ பிரிண்ட் என்று வைத்துக் கொள்ளலாம். பாருங்கள் flowers(header) என்பதற்கு கீழே இருக்கும், edit ஐ க்ளிக் செய்து நாம் தலைப்பை மாற்றிக் கொள்ளலாம். அது போல blog posts என்பதற்கு கீழே இருக்கும் edit ஐ க்ளிக் செய்து நமக்கு வேண்டும் விஷயங்கள் அதில் தோன்றும் படி செய்யலாம்.

About Me, Followers, Blog Archieve போன்றவை அதில் default ஆக இருக்கும். அது வேண்டாமென்றால், அதன் கீழே இருக்கும் edit க்ளிக் பண்ணி remove கொடுத்து விடலாம், அல்லது நாம் விரும்பிய மாற்றங்கள் செய்து கொள்ளலாம்.

ஒரு முறை remove கொடுத்து விட்டால், எப்படி மீண்டும் வரவழைப்பது? அதற்குத் தான் add a gadget இருக்கிறது. add a gadget க்ளிக் செய்தால் இது போன்ற பல items இருக்கும். அதில் தேவையானதை அதிலுள்ள + குறி அழுத்தி எடுத்து நம் ப்ளாகில் போட்டுக் கொள்ளலாம்.

நாம் போட்டுக் கொண்டவற்றை, அப்படியே, click and drag செய்தால், நகரும், நாம் வேண்டும் இடத்தில் வைத்துக் கொள்ளலாம்.

ஆயிற்று அவ்ளோ தான். நீங்க ப்ளாக் தொடங்கியாச்சு. successful blogger ஆக என் வாழ்த்துக்கள்.

இனி அடுத்து advanced blogging tips மற்றும் ப்ளாகின் மூலம் எப்படி சம்பாதிப்பது என்றும் சொல்லித் தருகிறேன். (இப்பவல்ல, அதற்கு ஒரு மாதம் ஆகும், அதற்குள் உங்க ப்ளாகை நன்றாக டெவெலப் செய்து வைத்திருங்கள்.)

கீழே உங்கள் பதிவுகளில், உங்க சந்தேகங்களைக் கேட்கலாம்.